Aktual mövzular: Dollar alış-satışı, Neftin qiyməti, COP29, Hava proqnozu

''Yekədiş Ronaldo'' gələcəyin böyük ulduzunu açıqladı - FOTO

Tarix: 7 Dekabr 2024 07:16

"Real Madrid"in və Braziliya millisinin sabiq hücumçusu Ronaldo hüquqları "Çelsi"yə məxsus olan "Palmeyras"ın 17 yaşlı hücumçusu Estevao Villian haqqında fikirlərini bölüşüb.

Sonxeber.net oxu.az-a istinadən xəbər verir ki, jurnalist Ben Ceykobs özünün "X" səhifəsində Ronaldonun sözlərindən sitat gətirib.

Qeyd edək ki, futbolçu 2025-ci ilin yayında ingilislərə qoşulacaq.

"O, gənc və çox istedadlı oyunçudur. O, Lamin Yamala bənzəyir. Tezliklə o, futbolda çox böyük ulduza çevriləcək. Çox perspektivlidir və cəmi 17 yaşı var. Düşünürəm ki, Klublararası Dünya Çempionatında "Palmeyras"da oynayacaq, sonra isə "Çelsi"yə qoşulacaq", - deyə Ronaldo bildirib.

Futbolçu Braziliyanın "Kruzeyro" klubunun yetirməsidir və 2021-ci ildə oradan "Palmeyras"a keçib. Hücumçu bu mövsüm klubda 49 oyun keçirib, 19 qol vurub və 12 məhsuldar ötürmə edib. Nüfuzlu "Transfermarkt" internet portalının versiyasına görə, Estevaonun bazar dəyəri 40 milyon avro təşkil edir.