Tramp Makrona ''yerini göstərdi'': küncdə oturtdu - VİDEO

Tarix: 25 Fevral 2025 14:54

ABŞ Prezidenti Donald Tramp Fransa lideri Emmanuel Makronu bir deyil, iki dəfə aşağılayıb.

Sonxeber.net axar.az-a istinadən bildirir ki,  bu barədə "Deyli Meyl" nəşri məlumat yayıb.

Bildirilib ki, birinci aşağılanma, artıq deyildiyi kimi, Makron 24 fevralda Ağ Evə görüş üçün gələrkən onun qarşılanmamasıdır.

Trampın Makronu ikinci aşağılaması isə onu Oval kabinetdə iş masasının küncündə əyləşdirməsidir.

Görüntülərdə Fransa prezidentinin Ağ Evin protokol rəhbəri Monika Krouli tərəfindən qarşılanmasından sonra Oval kabinetin masasının ən küncündə oturduğu əks olunub.

Xatırladaq ki, Tramp bundan öncə Ağ Evə səfər edən İsrail Baş nazirini nəinki qarşılamış, hətta onun maşınının yanına qədər getmiş, kabinetdə isə onun stulunu şəxsən özü çəkərək, yer göstərmişdi.