Azərbaycanla Koreya arasında ''Statistika sahəsində əməkdaşlıq haqqında Anlaşma Memorandumu'' imzalandı (FOTO)

Tarix: 11 Dekabr 2019 15:18

Bakı. İlhamə İsabalayeva -Trend:

Azərbaycanın Dövlət Statistika Komitəsi ilə Koreya Statistika Komitəsi arasında "Statistika sahəsində əməkdaşlıq haqqında Anlaşma Memorandumu" imzalanıb.

Trend-in məlumatına görə, imzalanma mərasimi "Rəsmi statistik məlumatların istehsalında İKT və kadr potensialının gücləndirilməsi" mövzusunda keçirilən konfrans çərçivəsində gerçəkləşib.

Anlaşma Memorandumunu Dövlət Statistika Komitəsinin sədri Tahir Budaqov və Koreya Statistika Komitəsinin sədri Shin-vook Kang imzalayıb.

Memorandum çərçivəsində kadr potensialının gücləndirilməsi, təcrübə mübadiləsinin aparılması, statistikanın istehsalında müasir informasiya-kommunikasiya texnologiyaların tətbiqi, məlumat mübadiləsi, birgə konfransların keçirilməsi və s. nəzərdə tutulub.

Trend-in ən mühüm və maraqlı xəbərlərini "Telegram"da izləyin