Aktual mövzular: Dollar alış-satışı, Neftin qiyməti, COP29, Hava proqnozu

Dronlara 12 saat müddətində uçmağa imkan verən akkumulyator təqdim edilib

Dronlara 12 saat müddətində uçmağa imkan verən akkumulyator təqdim edilib

Tarix: 29 Dekabr 2019 14:21

Müasir litium-ion batareyalar pilotsuz idarə olunan təyyarələrə ən çoxu 30 dəqiqə uçmağa imkan verir. Bu amil belə qurğuların tətbiq sahəsini xeyli məhdudlaşdırır. Çin alimləri tərəfindən hazırlanmış metanolla işləyən batareya drone 12 saat müddətində havada qalmağa imkan verir.

 

"ICTnews" Elektron Xəbər Xidməti "4pda.ru" saytına istinadən yazır ki, Çin şirkətləri qlobal pilotsuz təyyarələr bazarında liderlik edirlər. Qiymətləndirmələrə görə, "DJI" şirkətinin dron bazarında payı 70%-dən çoxdur. Ancaq "Rainbow" seriyasına məxsus çox ağır çəkili hərbi uçan aparatlarda da uçuş müddəti ürəkaçan deyil. Metanol əsasında işləyən yeni akkumulyator texnologiyası "Feye UAV Technology şirkəti" tərəfindən Dalyan Kimya Fizikası İnstitutu və Çin Elmlər Akademiyası ilə əməkdaşlıq çərçivəsində hazırlanıb.

 

Yeni akkumulyatorla təchiz edilmiş ilk işlək prototipin hazırlanmasına 2 il vaxt sərf edilib. 15 kq ağırlığında olan "FY-36" pilotsuz təyyarəsi 12 saat müddətində havada uça bilər.

 

Emil Hüseynov




Etiketlər:  Dronlara saat müddətində uçmağa imkan verən akkumulyator təqdim edilib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ