Tehranda qəzaya uğramış təyyarədə 140 İran vətəndaşı olub - YENİLƏNİB

Tarix: 8 Yanvar 2020 12:20

12:14

Tehran yaxınlığında qəzaya uğramış təyyarədə həlak olan İran vətəndaşlarının sayı 140 nəfərə çatıb.

Sonxeber.net Trend-ə istinadən bildirir ki, bunu Tehranın Böhranların İdarə olunması Təşkilatının baş direktoru Mənsur Daracati deyib.

Onun sözlərinə görə, yaxın saatlarda qəzanın səbəblərinin araşdırılması üçün təşkilatın əməkdaşlarının müşavirəsi keçiriləcək.

Xatırladaq ki, Ukraynaya məxsus "Boeing 737" sərnişin təyyarəsi İranın İmam Xomeyni aeroportu yaxınlığında qəzaya uğrayıb. Təyyarənin göyərtəsində 167 sərnişin, 9 heyət üzvü olub. Təyyarənin sərnişinləri İran, Kanada, Almaniya, Böyük Britaniya, İsveç və Əfqanıstan, heyət üzvləri isə Ukrayna vətəndaşları olub.

Təyyarə havaya qalxdıqdan bir qədər sonra qəzaya uğrayıb. İlkin məlumatlara əsasən, qəzanın səbəbi təyyarənin mühərrikinin yanması olub.

---------
11:59

İranın paytaxtı Tehran yaxınlığında qəzaya uğrayan "Boeing 737" təyyarəsində 7 ölkənin vətəndaşı həlak olub.

Sonxeber.net Trend-ə istinadən xəbər verir ki, təyyarənin sərnişinləri İran, Kanada, Almaniya, Böyük Britaniya, İsveç və Əfqanıstan, heyət üzvləri isə Ukrayna vətəndaşları olub.

Xatırladaq ki, Ukraynaya məxsus "Boeing 737" sərnişin təyyarəsi İranın İmam Xomeyni aeroportu yaxınlığında qəzaya uğrayıb. Təyyarənin göyərtəsində 167 sərnişin, 9 heyət üzvü olub.

Təyyarə havaya qalxdıqdan bir qədər sonra qəzaya uğrayıb. İlkin məlumatlara əsasən, qəzanın səbəbi təyyarənin mühərrikinin yanması olub.

----------
11:11

İranın Tehran vilayətinin Pərənd şəhəri yaxınlığında Ukrayna təyyarəsinin qəzaya uğraması nəticəsində həlak olanların 32 nəfəri xarici ölkə vətəndaşlarıdır.

Sonxeber.net Trend-ə istinadən xəbər verir ki, bunu hadisə yerində olan İranın Təcili Yardım Təşkilatının sədri Pirhüseyn Kulivənd IRINN-ə açıqlamasında deyib.

P.Kulivənd bildirib ki, hazırda xilasedicilər hadisə yerində cəsədləri toplamaqla məşğuldurlar.

Xatırladaq ki, Ukraynaya məxsus "Boeing 737" sərnişin təyyarəsi İranın İmam Xomeyni aeroportu yaxınlığında qəzaya uğrayıb. Təyyarənin göyərtəsində 167 sərnişin, 9 ekipaj üzvü olub.

Təyyarə havaya qalxdıqdan bir qədər sonra qəzaya uğrayıb.

Digər maraqlı xəbərlər Sonxeber.net-ın Facebook səhifəsində. Bizi "Telegram"da izləyin. ŞƏRH YAZ Tweet