Yenilənmiş Chevrolet Equinox sınaqlar zamanı özünü göstərdi

Tarix: 9 Yanvar 2020 22:08

General Motors şirkəti yenilənmiş Chevrolet Equinox krossover modelini hazırlayır.

Sonxeber.net ted.az-a istinadən bildirir ki, o, son yol sınaqları zamanı fotocasus kamerasına tuş gəlib, bu zaman yenilikdə qoruyucu kamuflyajdan istifadə olunub. Bu avtomobil indiyədək yalnız Amerika və Çin bazarlarında satılıb, lakin sonradan onun istehsalı ilə Özbəkistanda da məşğul olacaqlar. Yenilənmiş modeli bamperlərin forması, radiator barmaqlığı və banın digər parametrlərinə görə tanımaq olar.

Salonda multimedia sisteminin iri monitorundan istifadə olunub. Xatırladaq ki, Chevrolet Equinox krossoveri 179 at gücündə 1,5 litrlik aqreqatla gəlir. Alıcılar Chevrolet Equinox modelini ön və ya tam ötürücü, həm də təkmilləşdirilmiş təhlükəsizlik sistemləri ilə əldə edə bilərlər.