“Segway”in maraqlı görüntüyə sahib olan yeni nəqliyyat vasitəsi

Tarix: 11 Yanvar 2020 23:20

"Segway" şirkətinin CES 2020 daxilində tanıtdığı S-POD nəqliyyat vasitəsi böyük maraqlara səbəb olub. Belə ki, yeni nəqliyyat vasitəsinin maraqlı görünüşü var. Şirkətin mühəndisləri yeni nəqliyyat vasitəsini yumurta formasında yaradıblar.

Sonxeber.net techland.az-a istinadən bildirir ki, özünü balanslaşdıran yumurta formasında "S-Pod" elektrik kapsulu istifadəçiyə bədəni əymədən qurğunu idarə etməyə imkan verir. "S-Pod" hərəkət zamanı oturmağa imkan verir, sürətin və istiqamətin idarə edilməsi isə oturacağa quraşdırılmış coystiklə həyata keçirilir.

"S-Pod" saatda 38 km sürətlə hərəkət edə bilər. Bu halda hələ ki kapsulun avtonom işləmə müddəti bilinmir. "S-Pod" kapsulunun tam təqdimatı və satışa çıxarılması 2020-ci ilin üçüncü rübündə olacaq.