Aktual mövzular: Dollar alış-satışı, Neftin qiyməti, COP29, Hava proqnozu

İlk “Realme” smart televizorları buraxılacaq

Tarix: 8 Fevral 2020 20:16

Çinin "Realme" şirkəti internetə qoşulma imkanına malik "ağıllı" televizorlar bazarına daxil olmağa hazırlaşır. Bu barədə şirkətin marketinq üzrə direktoru Frensis Van bildirib.

Sonxeber.net ictnews.az-a istinadən bildirir ki, onun sözlərinə görə, ilk "Realme" smart televizorları fevralın 24-27-də İspaniyanın Barselona şəhərində keçiriləcək "Mobile World Congress (MWC) 2020" mobil sənaye sərgisində nümayiş olunacaq.

Təqdim ediləcək televizorların texniki xüsusiyyətləri barədə məlumat verilməsə də, onların diaqonal ölçülərinin 40-50 düym təşkil edəcəyi ehtimal olunur.

"Realme" "ağıllı" televizorlarının ilin birinci yarısında inkişaf etməkdə olan ölkələrin bazarlarında satışa çıxarılması planlaşdırılır.

Qeyd edək ki, 2018-ci ilin mayında rəsmən təqdim edilən "Realme" brendi məşhur smartfon tədarükçülərindən biridir. Şirkətin istehsal etdiyi məhsul çeşidinə "Realme X", "Realme X Master Edition", "Realme XT", "Realme X50 5G" və s. kimi mobil qurğular daxildir.

Whatsapp ilə göndər