Reynaldo rəsmən gürcü klubunda

Tarix: 9 Fevral 2020 16:06

"Qarabağ"ın sabiq futbolçusu Reynaldo Silva karyerasını Gürcüstanda davam etdirəcək.

Qol.az xəbər verir ki, 30 yaşlı yarımmüdafiəçi yüksək liqada mübarizə aparan  "Dimano"ya keçib. Braziliyalı futbolçu Batumi təmsilçisində ölkə çempionu olmaq istədiyini deyib:

"Karyeramda möhtəşəm səhifə buraxmışam. İndi bu səhifənin ardını "Dinamo"da gətirmək istəyirəm. Bunun üçün əlimdən gələni edəcəm. Bura gəlməyə qərar verdim, çünki yaxşı kollektiv olacağını düşündüm. Futbolçularla əlaqə saxladım, iddialı komanda olacağını dedilər. Adaptasiya prosesində mənə yardım edən braziliyalı futbolçuları görmək gözəldir. Hədəfim Gürcüstanda çempion olmaqdır".

Komandanın baş məşqçisi Qia Qequçadze isə transferlə bağlı bunları deyib: "Reynaldo toplanışa yeni gəlib. Yüksək profili olan futbolçudur və ona böyük ümidlər bəsləyirəm. Hər şeydən öncə tibbi müayinədən keçməli və kollektivlə çalışmağa başlamalıdır".

Qeyd edək ki, R.Silva 2013-2017-ci illərdə Ağdam təmsilçisinin formasını geyinib. O, ötən il qış transfer pəncərəsində yenidən "Qarabağ"a qayıdıb, mövsümün sonuna- yayadək komandada çıxış etmişdi.