Acı bibər yeyənlərə ŞAD XƏBƏR - infarktdan qoruyur

Tarix: 15 Mart 2020 22:51

İtaliyalı alimlər çili istiotu və ya qırmızı acı bibərin infarkdan qoruması baeədə açıqlama edib.

Milli.Az medicina.az-a istinadən bildirir ki, həftədə 3-4 dəfə bu istiotdan yemək insanın ürək tutmasından ölməsini minimuma endirə bilər.

Onlar bu nəticəyə 8 ildir davam edən və 23 min insanı əhatə etmiş elmi təcrübələrinin yekunu olaraq gəliblər.

Bu 8 il ərzində 23 min nəfərin 1236 nəfəri ölüb. Onların yarısı xərçəng və başqa xəstəliklərdən, digər yarısı isə ürək xəstəliklərindən vəfat edib.

Elmi araşdırma zamanı könüllülər ay boyu nə qədər istiot qəbul etmələri barədə məlumat verirdilər.

Bu sorğular göstərdi ki, müntəzəm olaraq 24% iştirakçı qırmızı bibər qəbul edib. İştirakçıların 3/1 -i isə ümumiyyətlə ömür boyu çili bibəri yeməyib.

Statistika göstərdi ki, həftədə 3-4 dəfə acı bibər yeyənlər az yeyən və heç yeməyənlərə nisbədən ürək tutmasından 23% daha az ölüblər.

Ürəyin işemik xəstəliyi və miokard infarktına tutulmaq riski isə istiot yeyənlərdə 40% az olub. Bu kifayət qədər ciddi rəqəmdir.

Maraqlısı budur ki, istər sağlam, istər zərərli qidalananda da çili bibəri ürəyi qoruya bilir.

Ona görə indidən acı qırmızı bibəri yeməklərə qatıb yeməyə vərdiş etsəz yaxşı olar.

Milli.Az