FİFA-dan yeni təklif - Beş oyunçu dəyişikliyi

Tarix: 27 Aprel 2020 20:16

FİFA koronavirus pandemiyasına görə dayandırılmış mövsümün bərpasından sonra matçlarda 5 oyunçu dəyişikliyinə icazə verməyə hazırdır.

Qol.az "Sky Sports"a istinadən xəbər verir ki,  bu, turnirlər ən qısa müddətdə keçiriləcəyi təqdirdə, futbolçulara əlavə yükləmə və zədədən qaçmağa kömək edəcək.

Bildirilib ki, lazımsız fasilələrin artmaması üçün komandalara oyunun gedişində yalnız 3 dəfə dəyişiklik təklif olunacaq. Fasilədə də əvəzetməyə icazə veriləcək.

Qeyd olunub ki, FİFA-nın təklifi futbol oyun qaydalarının tənzimlənməsinə cavabdeh olan Beynəlxalq Futbol Assosiasiyaları Şurası (İFAB) tərəfindən təsdiqlənməlidir.

Əgər qaydalarda dəyişiklik edilsə, o zaman bu mövsüm və növbəti mövsüm keçiriləcək bütün beynəlxalq oyunlar və Avro-2020-də beş futbolçu dəyişikliyi mümkün olacaq.