Aktual mövzular: Dollar alış-satışı, Neftin qiyməti, COP29, Hava proqnozu

Bu ay daha bir ölkədə çempionat bərpa olunacaq

Tarix: 5 May 2020 14:08

Koronavirus pandemiyasına görə təxirə salınan daha bir ölkə çempionatının bərpa tarixi müəyyənləşib.

Sonxeber.net Sport24.az-a istinadən xəbər verir ki, Macarıstan çempionatı mayın 30-dan etibarən davam etdiriləcək.

Bu barədə Macarıstan Futbol Federasiyasının rəsmi saytı məlumat yayıb. Məlumatda bildirilib ki, martın 14-də dayandırılan çempionat qaldığı yerdən davam etdiriləcək. Bundan bir həftə öncə, mayın 23-də isə Macarıstan kubokunun qarşılaşmaları keçiriləcək.

Açıqlamada o da bildirilib ki, çempionatın iyunun sonuna kimi başa çatdırılması planlaşdırılır. Bu üzdən də komandalar ən azı 3 gündən bir oyuna çıxmaq məcburiyyətində qalacaqlar.

Bundan başqa, klublar həftədə iki dəfə və matçdan öncə bütün futbolçulardan koronavirusla əlaqədar analiz götürməlidilər.

Whatsapp ilə göndər