Aktual mövzular: Dollar alış-satışı, Neftin qiyməti, COP29, Hava proqnozu

İsveçrə mediasında Azərbaycandan bəhs edilib

Tarix: 3 Iyun 2020 18:06

İsveçrənin nüfuzlu "Der Bund" qəzetində Azərbaycana həsr olunmuş məqalə dərc olunub.

Milli.Az xəbər verir ki, Diasporla İş üzrə Dövlət Komitəsindən Trend-ə verilən məlumata görə, "O, öz vətənindən Nuh peyğəmbərin çıxdığı dağı cox aşkar ğörə bilirdi" başlıqlı məqalə Bern şəhərində yaşayan həmvətənimiz, İsveçrə Azərbaycanlıların Koordinasiya Şurasının əlaqələndiricisi və "Azərbaycanlıların İsveçrədəki Mədəniyyət Mərkəzi"nin rəhbəri Qasım Nəsirovun jurnalist Markus Dyuçlerə (Markus Dütschler) müsahibəsi əsasında hazırlanıb.

Məqalədə ölkəmizin tarixi, müsəlman Şərqində ilk dəfə dünyəvi və demokratik respublika qurmuş Azərbaycan Xalq Cümhuriyyəti, Dağlıq Qarabağ münaqişəsinin yaranma səbəbləri, ölkəmizdə bəşəri və multikultural dəyərlərə daim önəm verilməsi, dini və irqi ayrı-seçkiliyə yol verilməməsi, bütün millətlərin dinc, yanaşı və mehriban şəraitdə yaşaması, diasporumuzun İsveçrədə fəaliyyəti barədə geniş məlumat verilib.

Milli.Az

Whatsapp ilə göndər