Aktual mövzular: Dollar alış-satışı, Neftin qiyməti, COP29, Hava proqnozu

Türkiyədə koronavirusla əlaqədar tətbiq edilən məhdudiyyətlərin əksəriyyəti ləğv edilir

Türkiyədə koronavirusla əlaqədar tətbiq edilən məhdudiyyətlərin əksəriyyəti ləğv edilir

Tarix: 10 Iyun 2020 03:04

Bakı. Trend:

Türkiyədə yeni növ koronavirusun yayılmasının qarşısını almaq məqsədilə tətbiq edilən məhdudiyyətlərin əksəriyyəti ləğv edilir.

Trend-in Türkiyə KİV-lərinə istinadən verdiyi məlumata görə, bunu Nazirlər Kabinetinin iclasından sonra Türkiyə Prezidenti Rəcəb Tayyib Ərdoğan deyib.

Dövlət başçısı bildirib: "Biz mövcud vəziyyəti qiymətləndirdik və nəticələrini bildiririk. Yaşı 18-dən aşağı olan şəxslər üçün küçəyə çıxmaq qadağasını tam ləğv edirik. Yaşı 65-dən yuxarı olan şəxslər saat 10:00-dan 20:00-dək küçəyə çıxa bilərlər. Kinoteatrlar, teatrlar, sərgi zalları iyulun 1-dən etibarən müəyyən şərtlərlə işləyəcəklər. İyulun 1-dən həmçinin toy salonları da fəaliyyətini bərpa edəcək. Bundan əlavə, kafe, restoran və yeməkxanaların iş saatı saat 00:00-dək uzadılır".

T.Ərdoğan əlavə edib ki, Türkiyənin Elmi və Texniki Tədqiqatlar Şurasının (TÜBITAK) alimləri COVİD-19-un müalicəsi üçün "Favipiravir" dərmanını uğurla sintezləşdirə bildilər.


Etiketlər:  Türkiyədə koronavirusla əlaqədar tətbiq edilən məhdudiyyətlərin əksəriyyəti ləğv edilir


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ