Aktual mövzular: Dollar alış-satışı, Neftin qiyməti, COP29, Hava proqnozu

“Microsoft” korporasiyası “Mixer” axın platformasının fəaliyyətini dayandıracaq

Tarix: 27 Iyun 2020 08:32

ABŞ-ın "Microsoft" korporasiyası oyun translyasiyaları üçün "Mixer" axın xidmətinin işinin dayandırılmasını elan edib. Bu haqda "Mixer" saytında məlumat dərc edilib.

Sonxeber.net ictnews.az-a istinadən bildirir ki, bəyanata əsasən, tərəfdaş və strimerlərin uğuru administrasiyanın platformanı mümkün qədər tez inkişaf etdirmək imkanlarından asılıdır. Xidmətin işi iyulun 22-dək davam edəcək, bu tarixdən sonra istifadəçilər "Facebook" şirkətinin "Facebook Gaming" platformasına keçə biləcəklər.

Nəticədə "Mixer" platformasının strimerləri daha geniş auditoriyaya çıxış əldə edəcək, "Facebook Gaming" isə "Xbox" ilə bağlı layihələrdə daha fəal iştirak edəcəklər.

"Mixer"in tərəfdaşları pul qazanma şərtlərinin qorunub saxlanılması ilə "Facebook Gaming"in analoji statusunu əldə edəcəklər.

Whatsapp ilə göndər