Aktual mövzular: Dollar alış-satışı, Neftin qiyməti, COP29, Hava proqnozu

Parkda qətl törədən 40 yaşlı qadının məhkəməsi başladı

Parkda qətl törədən 40 yaşlı qadının məhkəməsi başladı

Tarix: 18 Iyun 2019 15:27

Bakı. Samir Əli - Trend:

Bakı Ağır Cinayətlər Məhkəməsində qəsdən adam öldürməkdə təqsirləndirilən Günel Qasımovanın cinayət işi üzrə məhkəmənin hazırlıq iclası keçirilib.

Trend-in məlumatına görə, hakim Azər Paşayevin sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib və iş üzrə məhkəmənin baxış iclası iyunun 25-ə təyin edilib.

İttihama görə, ötən ilin oktyabr ayında gecə saatlarında Xırdalan şəhərində şəhər sakini, 27-ci məhəllə, ev 2, mənzil 9 da yaşayan, 1979-cu il təvəllüdlü Ramiz Rasim oğlu Hüseynov parkda naməlum şəxs tərəfindən bıçaqlanıb. O, çoxlu qan itirdiyindən hadisə yerində ölüb.

Hüquq-mühafizə orqanlarının araşdırması nəticəsində cinayətin Qasımova Günel Eldar qızı tərəfindən törədildiyi məlum olub. O, R.Hüseynovu gecə saatlarında parkda bıçaqlayaraq hadisə yerindən qaçıb. G.Qasımova polis əməkdaşları tərəfindən saxlanılaraq istintaqa təhvil verilib. Ona Cinayət Məcəlləsinin 120.1-ci (qəsdən adam öldürmə) maddəsi ilə ittiham verilib.

Trend-in ən mühüm və maraqlı xəbərlərini "Telegram"da izləyin


Etiketlər:  Parkda qətl törədən yaşlı qadının məhkəməsi başladı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ