Aktual mövzular: Dollar alış-satışı, Neftin qiyməti, COP29, Hava proqnozu

Smartfonlar üçün dinamik tezlikli ekranların kütləvi istehsalına başlanılıb

Tarix: 11 Iyul 2020 09:00

"TCL" şirkətinin "CSOT" (China Star Optoelectronics Technology və ya Huaxing Optoelectronics) bölməsi smartfonlar üçün müxtəlif senarilərdə 30, 60 və 120 QHs tezlikləri arasında dinamik şəkildə keçən displeylər yaradıb.

Sonxeber.net ictnews.az-a istinadən bildirir ki, artıq yeni displey panellərinin kütləvi istehsalına başlanılıb, belə ekranlarla təchiz edilən ilk smartfonların isə yaxın vaxtlarda buraxılacağı gözlənilir. "China Star Optoelectronics"in bəyanatına görə, displey istifadəçi mətn oxuyan və ya fotoşəkillərə baxan zaman 30 QHs yeniləmə tezliyindən istifadə edir ki, bu da 60 QHs ilə müqayisədə akkumulyatorun enerjisinə 18 faiz qənaət etməyə imkan verir.

Bununla yanaşı, 90 və 120 QHs rejimləri film və videoçarxlara baxılan zaman dəstəklənən oyunlarda işə düşür. Həmçinin sensor qatının sorğu tezliyi 240 QHs təşkil edir.

Məlumata görə, displeyin diaqonalı 6,53 düym, təsvir ölçüsü 2340 x 1090 piksel, maksimal parlaqlığı 500 kandel/kvadratmetrə bərabərdir. O, "NTSC" rəng məkanının 84 faizini əhatə edir.

Whatsapp ilə göndər