Çiy süd təhlükəli ola bilər

Tarix: 11 Iyul 2020 20:57

Təzə süd, antimikrob preparatlarına dayanıqlı olan bakteriyaların mənbəyi ola bilər. Bu barədə "Microbiome" elmi jurnalında dərc olunan bir araşdırmada bildirilib. Çiy süddə, antimikrob maddələrə davamlı olan çox sayda bakteriya yarana bilər. Kaliforniya Universitetinin alimlərinin fikrincə, bu proses südün otaq temperaturunda qalacağı təqdirdə baş verə bilər.

Milli.Az deyerler.org-a istinadən bildirir ki, süd içərkən həmin bakteriyalar insan orqanizminə nüfuz edərək yoluxucu xəstəliklərin yaranmasına səbəb ola bilər. Tədqiqatın bir hissəsi olaraq, mütəxəssislər pasterizə edilmiş və pasterizə edilməmiş südün 2034 pərakəndə nümunəsini təhlil edib. Alimlər, ABŞ sakinlərinin təxminən 3 faizinin çiy südü təhlükəli olmasından xəbərdar olmadığı və onun faydalı probiotiklərlə zəngin olduğunu hesab edərək, onu içməmişdən əvvəl qızdırmır. Tədqiqatın aparıcı mütəxəssisi çiy süd nümunələrində çox sayda faydalı bakteriyanın tapılmamasını qeyd edir. Onun sözlərinə görə, əgər çiy süd otaq temperaturunda açıq bir qabda qalarsa, zaman keçdikcə tərkibində pasterizə olunmuş məhsullara nisbətən dərmanlara dayanıqlı olan daha çox bakteriya yaranacaq. "Çiy süd içməyə davam etmək istəsəz, onu soyuducuda saxlayın", - deyə mütəxəssis bildirib. Tədqiqatçıların fikrincə, hər il təxminən üç milyon insan antibiotikə davamlı bakteriya ilə yoluxur, onlardan 35 mindən çoxu həyatını itirir. Xüsusilə mütəxəssislər, bazarlarda satılan təzə süd, pendir və ətin tərkibində bağırsaq çöplərinin ola biləcəyini qeyd edir.

Milli.Az