Miniatür robot cərrah hazırlanıb

Tarix: 3 Sentyabr 2020 08:12

Harvard Universiteti nəzdində "Wyss" Bioloji Mühəndislik İnstitutunun tədqiqatçıları və "Sony" şirkətinin mühəndisləri cərrahi əməliyyatları yüksək dəqiqliklə aparan tennis topu ölçüsündə mexanizm yaradıblar.
 
Sonxeber.net ictnews.az-a istinadən bildirir ki, "mini-RCM" adlı yeni cərrahi robot qeyri-adi konstruksiyaya və az çəkiyə malikdir və əksər analoqları ilə müqayisədə daha kompaktdır. Onun yaradılması zamanı materiallar bir-birinə üstün yığıldıqdan sonra uşaq kitablarında oriqami və ya fiqurlara bənzəyən üçölçülü forma yaratmaq üçün lazerlə kəsilir. "3D" strukturunun imitasiyası üçün "mini-RCM" bir neçə istiqamətdə işləyən üç xətli ötürücü vasitəsilə idarə olunur.
 
Testlər zamanı məlum olub ki, "mini-RCM" əllə idarə olunan alətdən 68 faiz dəqiqdir. Robot gözə iynənin daxil edilməsi prosedurunun imitasiyasını uğurla yerinə yetirir. Bu zaman dərman göz almacığının arxa tərəfindəki kiçik venalara çatdırılır. Bu məqsədlə "mini-RCM" tor qişasının venasını (saçdan təxminən iki dəfə qalın) imitasiya edən silikon borucuğu deşərək onu zədələməyib.
 
Belə robotların kommersiya istifadəsinə nə vaxt veriləcəyi barədə məlumat verilməsə də, onlar böyük potensiala malikdirlər.