''Apple''ın xüsusi ilə işçiləri üçün hazırladığı maskasının bütün detalları açıqlandı

Tarix: 29 Sentyabr 2020 08:32

Apple-ın işçiləri üçün hazırladığı üz maskası YouTube Unbox Therapy kanalında yer aldı. Video Apple-ın üz maskasının qutusundakıları və hansı materialdan hazırlandığını açıqlayır.

ABŞ-ın texnologiya nəhəngi Apple, koronavirus pandemiyası prosesi zamanı əhəmiyyətli işlər apardı. ABŞ və Avropaya milyonlarla maska ​​bağışlayarkən şirkət , işçilərinin təhlükəsizliyini təmin etmək üçün öz maskalarını da istehsal etdi . Artıq bu maskalar YouTube'dakı məşhur unboxing kanallarından biri olan "  Unbox Therapy" da göründü.

İndi Apple tərəfindən istehsal olunan maskaların detallarına daha yaxından baxacağıq. Lakin qeyd etmək lazımdır ki ,bu maskaların satışa çıxarılması üçün bir plan yoxdur . Şirkət bu maskaları yalnız pərakəndə satış nöqtələrində və korporativ binalarda çalışanlara təqdim edəcəkdir. Beləliklə, yəqin ki ,Apple pərəstişkarları bu maskaya sahib ola bilməyəcək.

Apple tərəfindən işçiləri üçün hazırlanan üz maskası şirkətin mühəndis və sənaye dizayn bölməsi tərəfindən hazırlanmışdır. Üç qat yüksək keyfiyyətli parçadan hazırlanan maska, təəssüf ki N95 maskaları kimi sertifikatlaşdırılmayıb. Ancaq testlər göstərir ki, bu maskalar ağız boşluğudan hissəciklərin çıxmasına mane olur . Beləliklə maska ​​məqsədinə düzgün xidmət edir.

Apple tərəfindən hazırlanmış maskalar bir qutuda gəlir . İşçilər bu qutuda 5 paketli maska ​​ilə qarşılaşırlar. Paketdə çox möhkəm bağlanmış bir maska ​​əlavə, insanın maskanı ən yaxşı şəkildə tənzimləməsinə imkan verən kiçik bir cihaz da var. Bu aparat, qulaqlarda ağrının qarşısını alır . Bütün bunlara əlavə olaraq bu maskalar 5 dəfəyə qədər yuyula bilər.