Ceyhun Bayramovun Latviyalı həmkarı ilə Qarabağı müzakirə edib

Tarix: 29 Sentyabr 2020 22:39

Xarici İşlər naziri Ceyhun Bayramovun Latviya Respublikasının Xarici İşlər naziri Edqars Rinkeviç ilə telefon danışığı baş tutub.

Nazirlikdən Sonxeber.net-a verilən məlumata görə, nazir Edqars Rinkeviç son günlər cəbhə bölgəsində yaşanan son dərəcə gərgin vəziyyət ilə bağlı narahat olduğunu bildirdi və hazırkı durum ilə maraqlandı.

Nazir Ceyhun Bayramov Ermənistan rəhbərliyinin son aylar ərzində həyata keçirdiyi təxribatçı fəaliyyəti, o cümlədən Tovuz istiqamətində hücum cəhdi, diversiya-kəşfiyyat qrupunun təxribatı Azərbaycanın işğal edilmiş ərazilərində qanunsuz məskunlaşdırma siyasəti, eləcə də digər təxribatçı addımlar barədə həmkarına məlumat verərək, beynəlxalq ictimaiyyət tərəfindən Ermənistanın bu qanunsuz fəaliyyətinə lazımi reaksiyanın göstərilməməsinin işğalçı ölkənin 27 sentyabr tarixində yeni təcavüz aktına imkan yaratdığını bildirdi. Diqqəti xüsusilə Ermənistan silahlı qüvvələrinin Azərbaycanlı mülki əhalini hədəfə aldığına yönəldən nazir bu halın beynəlxalq humanitar hüququn kobud şəkildə pozulması və müharibə cinayəti olduğunu vurğuladı. Bölgədə yaşanan gərginliyə görə məsuliyyətin tam şəkildə Ermənistan üzərində olduğu bildirildi.