Aktual mövzular: Dollar alış-satışı, Neftin qiyməti, COP29, Hava proqnozu

Bakıda ağır qəza - ''Mercedes'' ağaclığa çırpıldı

Tarix: 4 Iyul 2019 12:03

Bakı. Ceyhun Ələkbərov - Trend:

Bakıda səhər saatlarında ağır yol-nəqliyyat hadisəsi baş verib.

Trend-in məlumatına görə, qəza Qala qəsəbəsində qeydə alınıb.

"Mercedes" markalı avtomobil idarəetməni itirərək yol kənarındakı ağaclığa çırpılıb. Avtomobildə sıxılıb qalan 1968-ci il təvəllüdlü Ağakişiyev Etibar Fariz oğlu yaxınlıqdakı insanların köməyi ilə maşından çıxarılıb. İlkin yardım göstərildikdən sonra o, hadisə yerinə cəlb olunan Təcili Tibbi Yardım briqadası ilə 3 saylı Kliniki Tibbi Mərkəzə çatdırılıb.

Xəstəxanadan verilən məlumata görə, E.Ağakişiyevə sifətin və döş qəfəsinin əziyi, sağ dirsəyin cırılması diaqnozu qoyulub.

İlkin ehtimallara görə, qəzaya səbəb avtomobilin təkərində yaranan nasazlıq olub.

Trend-in ən mühüm və maraqlı xəbərlərini "Telegram"da izləyin

Whatsapp ilə göndər