Aktual mövzular: Dollar alış-satışı, Neftin qiyməti, COP29, Hava proqnozu

“Telegram” messencerində istənilən çatda mesajların avtomatik silinməsi funksiyası əlçatan olub

Tarix: 24 Fevral 2021 13:27

"Telegram" messencerində istənilən çatda mesajların avtomatik silinməsi funksiyası, həmçinin qrup və kanallara dəvət etmək üçün müvəqqəti linklər əlçatan olub. Bu barədə "Telegram"ın rəsmi bloqunda məlumat verilib.

"ICTnews" Elektron Xəbər Xidməti "tass.ru" saytına istinadən yazır ki, "Telegram messencerində istənilən çatda mesajların avtomatik silinməsi funksiyası, qrup və kanallara dəvət etmək üçün müvəqqəti linklər, həmçinin çatlara sürətli giriş üçün vidcetlər əlçatan olub. Bundan başqa, indi qruplarda iştirakçıların sayına məhdudiyyət yoxdur" – mesajda deyilir.

Yeni funksiya göndərilmiş mesajın 24 saat və ya 7 gün sonra avtomatik silinməsini tənzimləməyə imkan verir. Bundan əvvəl mesajların avtomatik silinməsi funksiyası yalnız məxfi çatlarda əlçatan idi.

Emil Hüseynov

Whatsapp ilə göndər