Aktual mövzular: Dollar alış-satışı, Neftin qiyməti, COP29, Hava proqnozu

Balığın içində narkotik keçirmək istədi, tutuldu

Tarix: 9 Aprel 2021 19:04

Penitensiar xidmətin əməliyyat aparatının həyata keçirdiyi əməliyyat-axtarış tədbirləri nəticəsində 3 saylı İstintaq təcridxanasına narkotik və psixotrop maddələrin keçirilməsi cəhdinin qarşısı alınıb.

Xidmətdən verilən xəbərə görə, Cinayət Məcəlləsinin 234.4.1-ci maddəsinə əsasən təqsirli bilinərək həbs edilmiş Məhərrəmov Ramil Məhərrəm oğluna qohumu Sumqayıt şəhər sakini Həmzəyeva Xanım Şakir qızı tərəfindən gətirilən sovqata baxış keçirilən zamanı orada balıqların içərisində xüsusi üsulla gizlədilən 11 ədəd şəffaf sellofan bükülüdə ümumi çəkisi 1,336 qram olan psixotrop maddə- metamfetamin, ümumi çəkisi 0,320 qram olan narkotik vasitə-metadon və ümumi çəkisi 2,250 qram olan psixotrop maddə preqabalin aşkar edilib.

Faktla bağlı araşdırma aparılır.

Milli.Az

Whatsapp ilə göndər