Hamiləliyin 39-cu həftəsində nələr baş verir?

Tarix: 1 Iyul 2021 05:09

Bu həftədə uşağın çəkisi 3,5 kq, boyunun uzunluğu 52 sm, döş və qarın çevrəsinin diametri isə 97,8 mm və 101,3 mm olur. Hamiləliyin 39-cu həftəsində uşağın kəllə sümükləri yaxınlaşsa da aralarında bitişməmiş məsafə qalmış olur, kəllə sümükləri tam bitişmir. Bu isə ağır doğuşlar zamanı deformasiyalara səbəb olur. Hamiləliyin 39-cu həftəsində uşağın başının çəkisi onun bədəninin çəkisindən 4 dəfə az olur. 39-cu həftədə uşağın əlləri və ayaqları tam inkişaf etmiş olur.

Bu dövrdə uşaq asanlıqla gözünü açıb 30 sm aralıda məsafədə olan şeyi görə bilmək qabiliyyətinə malikdirlr. Artıq o hər şeyi eşidə və səsləri ayırd edə bilir. Bu dövrdə uşağın maddələr müabdiləsi öz fəaliyyətini idarə edir və az miqdarda belə oksigen aclığı hiss oldunduqda uşaq hiss edir və buna reyaksiya verir.

Hamiləliyin 39-cu həftəsi həsrətlə doğuşu gözləməklə keçir. İndi hamilə qadının işi xəstəxanaya aparacaq paltarlarını yığmaqdan ibarətdir. Hamiləliyin 39-cu həftəsindən hamilə qadını gözləyən yeganə təhlükə hipoksiyadır. Doğuşa 10 gün qalmış müddətdə hipoksiyanın baş verməsi pis əlamət sayılır. Bu həftə uşaqlığın tonusu həmişəkindən artıq olur. Bu həftə ərzində sancıların əmələ gəlməsi və sancılar aralarındakı məsafənin sıxlaşması doğuşun başlamasının əlamətləri sayıla bilər.

Bəzən yalançı doğuş sancıları da meydana çıxa bilir. Bu zaman sancılar baş verir, amma dayanır arxası gəlmir. Amma əsil doğuş sancıları başladıqda onun ardı davam edir və sancılararsı məsafələr azalmağa başlayır. Bu həftə ərzində isə dölyanı maye açılarsa təcili surətdə xəstəxanaya yetişmək lazımdır. Dölyanı suyun qanlı olması isə uşağın həyatını təhlükədə olmasını bildirir.
Hamiləliyin 39-cu həftəsində qadınların iştahası çoxalır. Bu səbəbdən də qadınlar doğuşa bir həftə qalmış çox yeyirlər. Bu dövrdə qadın az zülallı qidalarla qidalanmaldır (kəsmik, balıq və s.). Lifli qidalardan, meyvə-tərəvəzdən çox istifadə etmək bağırsağın işini sürətləndirərək qadının doğumqabağı özünü rahat hiss etməsinə səbəb olur.

Milli.Az