Aktual mövzular: Dollar alış-satışı, Neftin qiyməti, COP29, Hava proqnozu

''Ayaks''da yeni müqavilə

Tarix: 10 Avqust 2019 10:20

“Ayaks” futbolçusu Hakim Ziyexlə müqavilənin müddətini uzadıb.

Qol.az xəbər verir ki, bu barədə Amsterdam klubunun rəsmi saytı məlumat yayıb.

Mərakeşli hücumameylli yarımmüdafiəçi ilə müqavilənin müddəti 2021-ci ildə başa çatacaq müqavilə 2022-ci ilin iyununa kimi uzadılıb.

Ziyex 2016-cı ildə “Tvente”dən "Ayaks"a transfer olunub. O, ötən mövsüm Hollandiya çempionatında 29 matçda 16 qol vurub.

Xatırladaq ki, "Qarabağ" Çempionlar Liqasının 3-cü təsnifat mərhələsindəki rəqibi APOEL-i mübarizədən kənarlaşdıracağı təqdirdə, pley-off-da PAOK - "Ayaks" cütünün qalibi ilə qarşılaşacaq.