Aktual mövzular: Dollar alış-satışı, Neftin qiyməti, COP29, Hava proqnozu

Qubada dəhşət, babasıgilə qonaq gedən 10 yaşlı oğlan hamamda boğuldu

Tarix: 21 Avqust 2019 20:57

Bakı. Samir Əli - Trend:

Qubada 10 yaşlı uşaq bədbəxt hadisə nəticəsində ölüb.

Trend-in məlumatına görə, hadisə rayonun Xanagah kəndində baş verib.

Bakı şəhərində yaşayan, 2009-cu il təvəllüdlü, 3-cü sinif şagirdi Cəfərov Rəsul Ramiz oğlu babası Mansurov Nurəddin İsmayıl oğlunun Quba rayonunun Xanagah kəndindəki evinə qonaq gedib. R.Cəfərov həmin evin hamam otağında olarkən dəm qazından boğularaq huşunu itirib.

Uşaq huşunu itirmiş vəziyyətdə anası tərəfindən aşkar edilsə də onun həyatını xilas etmək mümkün olmayıb. R.Cəfərov xəstəxanaya aparılarkən yolda dünyasını dəyişib.

Faktla bağlı araşdırma aparılır.

Trend-in ən mühüm və maraqlı xəbərlərini "Telegram"da izləyin

Whatsapp ilə göndər