Aktual mövzular: Dollar alış-satışı, Məzənnə, Neftin qiyməti

“Android” sisteminin adlandırılması sxemi dəyişdiriləcək

“Android” sisteminin adlandırılması sxemi dəyişdiriləcək

Tarix: 23 Avqust 2019 15:52

“Google” şirkəti “Android” mobil əməliyyat sisteminin yeni versiyalarının şirniyyat və desertlərin şərəfinə adlandırılması ənənəsindən imtina edəcək.

 

“ICTnews” Elektron Xəbər Xidməti “NEWSru” resursuna istinadən yazır ki, qeyri-adi ənənə 2009-cu ildə buraxılan “Android 1.6 Cupcake” sistemindən başlayıb. Onun ardınca isə əməliyyat sisteminin “1.6 Donut”, “2.0 Éclair”, “2.2 Froyo”, “2.3 Gingerbread”, “3.0 Honeycomb”, “4.0 Ice Cream Sandwich”, “4.1 Jelly Bean”, “4.4 KitKat”, “5.0 Lollipop”, “6.0 Marshmallow”, “7,0 Nougat”, “8.0 Oreo” və “9 Pie” versiyaları işıq üzü görüb.

 

Bu ilin martında şirkət “Android 10 Q” sisteminin beta versiyasını təqdim edib. İstifadəçilər və KİV nümayəndələri şirkətin Q hərfi ilə başlayan hansı deserti sonuncu versiyanın adında istifadə edəcəyi ilə bağlı ehtimallar irəli sürüblər. Lakin “Google” şirkəti 10 rəqəmi ilə kifayətlənməyi məqsədəuyğun hesab edib.

 

“Android” tərtibatçılarının rəsmi bloquna görə, belə qərarın qəbul edilməsinin əsas səbəbi dünyanın müxtəlif ölkələrinin sakinlərinin şirniyyat adlarını başa düşməkdə çətinliklərlə üzləşməsi ilə əlaqədardır. Belə ki, məsələn, zefir heç də bütün ölkələrdə şirniyyat hesab edilmir, yapon dilində L hərfi ilə ötürülən səs isə ümumiyyətlə mövcud deyil. “Аndroid” sisteminin növbəti versiyalarının hamısı yalnız rəqəmə malik olacaq.

 

Bundan başqa, şirkət “Android” sözünün şriftini və loqotipin rəng çalarını dəyişdirməyi planlaşdırır.

 

Nizam Nuriyev




Etiketlər:  Android sisteminin adlandırılması sxemi dəyişdiriləcək


RƏYLƏR



Populyar Xəbərlər

XƏBƏR LENTİ