Aktual mövzular: Dollar alış-satışı, Məzənnə, Neftin qiyməti

Malayziya turistlər üçün sərhədləri gələn ilin yanvarında açacaq

Malayziya turistlər üçün sərhədləri gələn ilin yanvarında açacaq

Tarix: 12 Noyabr 2021 19:14

Malayziya hökuməti turistlər üçün sərhədləri ən geci gələn ilin yanvarında açmağı planlaşdırır.

Milli.Az aviatravel.az-a istinadən bildirir ki, bu barədə Malayziya Milli Dirçəliş Şurasının sədri Muhiddin Yassin məlumat verib.

"Vaksinasiya sahəsində əldə edilən uğurları nəzərə alan Şura, gələn il yanvarın 1-dən gec olmamaq şərti ilə turistlər üçün sərhədləri açmaq barədə qərar qəbul edib", - deyə M.Yassin bildirib. Şura sədri bu addımın turizm sektorunu bərpa etmək məqsədilə atıldığını da əlavə edib.

Qeyd edək ki, koronavirus pandemiyası başlayandan bəri Malayziya sərhədləri bağlanıb. Hökumət bu yaxınlarda Lanqkavi adasındakı kurortların vaksin qəbul etmiş turistlər üçün noyabrın 15-dən sonra açılacağını bəyan edib.

Hazırda Malayziyada əhali arasında tam vaksinasiyanın səviyyəsi 95 faizə çatıb. 12 yaşdan yuxarı yeniyetmələr arasında isə bu göstərici 75 faiz təşkil edir.

Milli.Az


Etiketlər:  Malayziya turistlər üçün sərhədləri gələn ilin yanvarında açacaq


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ