Aktual mövzular: Dollar alış-satışı, Neftin qiyməti, COP29, Hava proqnozu

Uşaqların satdığı salfetin içinə narkotik qoyulur?

Tarix: 9 Fevral 2022 10:46

Bakıda küçələrdə salfet satan uşaqlarla bağlı ilginc iddia yayılıb.

Sonxeber.net "Qafqazinfo"ya istinadən xəbər verir ki, bəzi vətəndaşlar salfet paketlərinin içərisinə narkotik qoyaraq uşaqlara satdırıldığını bildirib. Sosial şəbəkələrdə yayılan iddialara görə, uşaqlardan salfet alan bir şəxsi qısa müddət sonra Çevik Polis Alayının əməkdaşları saxlayıb və paketi açdıqda içərisindən sintetik narkotik çıxıb. Məlumata görə, Tbilisi prospektində baş verən hadisə zamanı polislər onun narkotik alveri ilə məşğul olduğunu bildiriblər və vətəndaşa 1500 manat cərimə yazılıb.

Daxili İşlər Nazirliyinin Mətbuat Xidmətindən bildirilib ki, polis yayılan iddialar barədə məlumatlıdır:

"Bu istiqamətdə müvafiq araşdırmalar aparılır. Məsələnin təfərrüatı araşdırmanın nəticəsindən sonra məlum olacaq".

Whatsapp ilə göndər