Qışda quruyan dərini necə qorumalı?

Tarix: 9 Iyul 2022 07:03

Təmiz və sağlam dəriyə sahib olmaq hər bir qadının istəyidir. Ancaq dərini qış fəslində qorumaq bir az çətindir.

Dərisi quruluğa meylli insanlar üçün üzü nəmli saxlamaq isə olduqca çətindir.

İmmunitet.az xüsusilə də qış fəslində dəriyə baxım qaydalarını təqdim edir:

İsti sudan imtina edin:

Bir çox insan isti suda duş qəbul etməyi sevir. Ancaq araşdırmalar da sübut edib ki, isti su dərini qurudur. Bu hal, dəridə təbii yağların yox olmasına səbəb olur. Duşdan sonra üzü ehtimalca qurulayın və qətiyyən ovalamayıb. Nəmləndirici kremdən istifadə məqsədəuyğundur.

Üzünüzü kisələməyin - Bəzi hallarda üzünüzü kisələmə ehtiyacınız yarana bilər. Ancaq quru dəriyə sahibsinizsə bu, heç də doğru addım deyil. Dərini sərt formada kisələmək, ovalamaq qalınlaşmasına səbəb olur. Həssas dəri üçün təmizləyicilərdən istifadə edilməlidir. Üzünüzü tərkibini bilmədiyiniz sabunla da yumaq məsləhət görülmür.

Kişilər jiletdən düzgün istifadə etməlidirlər - Dəri quruluğundan şikayət bütün kişilər bəzi nüanslara diqqət etməlidirlər. Belə ki, jiletlə üz təmizləmək dəri quruluğa, dərinin zədələnməsinə səbəb ola bilər.İstənilməyən tüklərlə birlikdə dərinin təbii yağları da gedir. Hər zaman jileti nəmləndirici köpüklə birlikdə istifadə edin. Həmçinin üz təmizliyini ya duşla birlikdə ya da duşdan dərhal sonra edin.

Su için - Bol maye qəbul edin. Orqanizm su ehtiyacını tamamladığı zaman dəri də təbii surətdə qidalanır.