Aktual mövzular: Dollar alış-satışı, Məzənnə, Neftin qiyməti

Cenevrədə KOBİA-nın dəstəyi ilə dəyirmi masa təşkil olunub - FOTO

Cenevrədə KOBİA-nın dəstəyi ilə dəyirmi masa təşkil olunub - FOTO

Tarix: 23 Sentyabr 2022 10:36

Sentyabrın 22-də Cenevrədə "Azərbaycan 2022: Avropa və Asiya üçün enerji mənbəyi və logistika mərkəzi" mövzusunda Dəyirmi Masa keçirilib.

Milli.Az xəbər verir ki, tədbir Cenevrə Ticarət, Sənaye və Xidmətlər Palatasının (CCIG) təşkilatçılığı, İsveçrə-Şərqi Avropa, Mərkəzi Asiya, Cənubi Qafqaz Birgə Ticarət Palatası (JCC), Kiçik və Orta Biznesin İnkişafı Agentliyi (KOBİA) və "SOCAR Trading"in dəstəyi ilə təşkil olunub.

Dəyirmi masada Azərbaycanın İsveçrədəki fövqəladə və səlahiyyətli səfiri Fuad İsgəndərov, KOBİA-nın İdarə Heyətinin sədri Orxan Məmmədov, Cenevrə Ticarət, Sənaye və Xidmətlər Palatasının direktoru Nathalie Hardyn, İsveçrə-Şərqi Avropa, Mərkəzi Asiya, Cənubi Qafqaz Birgə Ticarət Palatasının idarəedici direktoru Dorit Sallis, İsveçrənin İqtisadi Məsələlər üzrə Dövlət Katibliyinin (SECO) Cənubi Qafqaz və digər ölkələr üzrə idarəsinin müdiri Seraina Siqron və "SOCAR Trading"in təmsilçisi Tağı Tağızadə mövzu ilə bağlı çıxış ediblər.

Tədbir çərçivəsində KOBİA, Azərbaycanda İxracın və İnvestisiyaların Təşviqi Agentliyi - AZPROMO və İsveçrənin "M&M" şirkəti tərəfindən müvafiq olaraq ölkəmizdə KOB-lara göstərilən dəstək və xidmətlərə, Azərbaycanın investisiya potensialına, logistika və enerji imkanlarına dair təqdimatlar keçirilib.

Həmçinin tədbir çərçivəsində KOBİA, İsveçrə-Şərqi Avropa, Mərkəzi Asiya, Cənubi Qafqaz Birgə Ticarət Palatası (JCC) və "Swiss Alternative Financing" şirkəti arasında əməkdaşlığa dair Anlaşma Memorandumu imzalanıb.

Milli.Az


Etiketlər:  Cenevrədə KOBİA nın dəstəyi ilə dəyirmi masa təşkil olunub FOTO


RƏYLƏR



Populyar Xəbərlər

XƏBƏR LENTİ