Aktual mövzular: Dollar alış-satışı, Neftin qiyməti, COP29, Hava proqnozu

Rafael Ağayevdən qızıl medal

Rafael Ağayevdən qızıl medal

Tarix: 6 Oktyabr 2019 23:36

Rusiyanın paytaxtı Moskvada Karate1 Premyer Liqası keçirilib.

Qol.az-ın məlumatına görə, Azərbaycanın və “Qəbələ” İdman Klubunun karateçisi Rafael Ağayev də yarışda qüvvəsini sınayıb.

75 kq çəki dərəcəsində çıxış edən idmançımız Yassin Sekuri (Mərakeş), Rodriqo İbanez (İspaniya) və Matus Lieskovskini (Slovakiya) eyni - 1:0 hesabı ilə məğlub edərək yarımfinala yüksəlib.Rafael bu raundda iranlı Bəhmən Əsgərini 2:0 hesabı ilə üstələyib. Bu gün keçiriləb final döyüşündə onun rəqibi Yermek Aynəzərov (Qazaxıstan) olub. Ağayev bu qarşılaşmada da qalib gəlib – 1:0. Beləliklə, 5 qələbə qazanan təmsilçimiz yarışın qızıl medalına yiyələnib və fəxri kürsünün ən yüksək pilləsinə qalxıb.

Xatırladaq ki, Karate1 Premyer Liqa turnirləri seriyasından mövsümün altıncı mərhələsində 85 ölkədən 642 karateçi yarışıb.

 


Etiketlər:  Rafael Ağayevdən qızıl medal


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ