Aktual mövzular: Dollar alış-satışı, Neftin qiyməti, COP29, Hava proqnozu

Ən böyük məhkəmə işlərindən birinin müttəhimi ekstradisiya edilir - FOTO

Tarix: 22 Dekabr 2022 09:05

Müflis olmuş FTX kriptovalyuta birjasının qurucusu və keçmiş baş direktoru Sem Benkman-Frid ABŞ-yə ekstradisiyaya razılaşıb.

Sonxeber.net oxu.az-a istinadən xəbər verir ki, bu barədə həbs edilən şəxsə yaxın mənbələr bildiriblər.

Biznesmen ötən həftə Vaşinqtonun tələbi ilə Baham adalarında saxlanılıb.

Qeyd edək ki, səkkiz milyard civarında maliyyə fırıldağı ilə bağlı iş artıq ABŞ tarixində ən böyük məhkəmə işlərindən biri statusunu alıb.

Ekstradisiyanın vaxtı hələ dəqiqləşməyib. Dekabrın 21-də Baham adalarında keçiriləcək məhkəmə iclasında biznesmenin ekstradisiyası məsələsinin həll olunacağı gözlənilir.

Xatırladaq ki, FTX noyabrın əvvəlində iflas olduğunu elan edib, baş direktor Benkman-Frid də istefa verib. Biznesmen ona qarşı irəli sürülən bütün ittihamları rədd edir.