Aktual mövzular: Dollar alış-satışı, Neftin qiyməti, COP29, Hava proqnozu

Məşhəd ziyarətinə Azərbaycandan gediş dayandırılıb? - Açıqlandı

Tarix: 11 Aprel 2023 18:20

Son vaxtlar Azərbaycanla İran arasında yaşanan gərginlik müxtəlif məsələlərdə sualların ortaya çıxmasına səbəb olub. Belə nüanslardan biri də Məşhəd ziyarətinin təşkilidir.

Hazırda sözügedən ziyarətin təşkilində vəziyyət nə yerdədir?

Qafqaz Müsəlmanları İdarəsindən globalinfo.az-a verilən məlumata görə, ziyarətlərlə bağlı qadağa yoxdur.

"Kim istəsə, Məşhəd və Kərbəla ziyarətinə gedə bilər. Qafqaz Müsəlmanları İdarəsi (QMİ) bununla bağlı heç bir sənəd hazırlamır və ziyarət təşkil etmir. Bunun üçün müəyyən turizm şirkətləri var. Ziyarəti də məhz onlar təşkil edir. İraqa getmək üçün viza hazırlayır və insanları yola salırlar. Bizim qurum ildə bir dəfə böyük Həcc ziyarətini təşkil edir. Bu isə Qurban bayramından 10 gün öncə baş verir. Artıq bununla bağlı işlər aparılır. Qeyd edim ki, Məşhəd və Kərbəla ziyarəti üçün xüsusi vaxt anlamı yoxdur. Kim nə vaxt istəsə, gedə bilər", - bildirilib.

Whatsapp ilə göndər