Aktual mövzular: Dollar alış-satışı, Neftin qiyməti, COP29, Hava proqnozu

Maaş gecikdiyi üçün MƏŞQƏ ÇIXMADILAR

Tarix: 16 Oktyabr 2023 08:20

Futbol üzrə I Liqada çıxış edən "İrəvan" futbol klubunun oyunçuları ötən gün məşqə çıxmayıblar.

Sonxeber.net oxu.az-a istinadən xəbər verir ki, oyunçular üç aydır, maaşlarını ala bilmədikləri üçün bu addımı atıblar. Mövsümün əvvəlindən pulları ödənilməyən futbolçular dəfələrlə rəhbərliklə görüşsə də, maaşları ödənilməyib. Onlar zəruri idman ləvazimatları, o cümlədən idman geyimləri, həmçinin tibbi ləvazimatlarla təmin edilməyiblər.

Oyunçular maaşları ödənilmədiyi təqdirdə məşqləri "boykot" etməyə davam edəcəklər. Onlar, həmçinin, oktyabrın 18-də "İmişli" ilə səfər oyununda meydana çıxmaqdan da imtina etmək niyyətindədirlər.

Qeyd edək ki, mövsümün əvvəlində komandaya güclü maliyyə dəstəyi ayrılacağı bildirilmişdi.

Hazırda "İrəvan" l Liqanın turnir cədvəlində 10 xalla vahid liderdir.

Whatsapp ilə göndər