Qızılca xəstəliyinin yoluxma sürəti qrip virusundan 6 dəfə çoxdur - VİDEO

Tarix: 27 Noyabr 2023 23:24

Son günlər ölkə ərazisində qızılca xəstəliyinə yoluxan uşaqların sayı artıb.

Sonxeber.net Xəzər TV-yə istinadən bildirir ki, təkcə Zaqatala Rayon Mərkəzi Xəstəxanasına bir ay ərzində qızılca simptomları ilə 64 müraciət daxil olub.

Kürdəmir rayonunda isə bu xəstəliklə əlaqədar son 10 gündə 60-a yaxın müraciət qeydə alınıb.

Pediatr-infeksionist Aytən Ziyadova deyib ki, qızılcanın anidən yayılmasına səbəb uşaqların peyvənddən yayındırlmasıdır. Xüsusilə də pandemiya dövrünə düşən peyvəndlənmə dönəmində yayınmalar daha çox olub.

İnfeksionist bildirib ki, digər xəstəliklər kimi, qızılcanın da ağır fəsadlarından qorunmaq üçün peyvənd olunmaq mütləqdir. Xəstəliyin ağırlaşması gözün buynuz qişasının zədələnməsi, pnevmaniya və digər hallarla müşahidə oluna bilər.

Aytən Ziyadova qeyd edib ki, qızılca xəstəliyinin yoluxma sürəti qrip virusundan 6 dəfə çoxdur. Bu səbəbdən də 7-10 gün ərzində ev şəraitində, ağırlaşma halında isə xəstəxanada müalicə edilməsi və sahə həkiminə müraciət olunması mütləqdir.  

Mövzu ilə bağlı daha ətraflı videomaterialı təqdim edirik: