Azərbaycanda bu avtomobillərin qiyməti yenə BAHALAŞIB

Tarix: 19 Sentyabr 2024 19:28

Avtomobil bazarında ardıcıl 3 ay qiymət azalmalarından sonra yenidən artım qeydə alınıb.

Bu barədə Milli.Az-a İqtisadi və Sosial İnkişaf Mərkəzidən (CESD) məlumat verilib.

Bildirilib ki, elektriklə işləyən və hibrib avtomobillərinin qiymətlərində artımlar qeydə alınmaqdadır. Bu həmin avtomobillərə tələbin yüksəlməsi ilə bağlıdır. Həmin avtomobillərin qiyməti 4.3 faiz yüksəlib.

Aİ-95 markalı benzindən istifadə edən avtomobillərə tələbin yenidən artması müşahidə olunub və həmin avtomobillərin qiyməti 2.6 faiz yüksəlib.

Qeyd edək ki, cari ilin yanvar-avqust aylarında Azərbaycana 387 milyon 875 min dollar dəyərində 13 min 504 ədəd hibrid avtomobil idxal olunub.

Milli.Az