“Sabah” baş məşqçisi ilə yollarını ayırdı

Tarix: 14 Iyun 2025 22:02

22:00

"Sabah" klubu baş məşqçisi Vasili Berezutski ilə yollarını ayırıb.

Sonxeber.net xəbər verir ki, müqaviləyə ailəvi səbəblərlə əlaqədar olaraq, qarşılıqlı razılıq əsasında xitam verilməsi barədə qərar qəbul olunub.

Klub Vasili Vladimiroviçə peşəkarlığına, işə məsuliyyətli yanaşmasına və komandanın inkişafına verdiyi əhəmiyyətli töhfəyə görə dərin təşəkkürünü bildirib.

"Sabah" onun rəhbərliyi altında ilk dəfə Azərbaycan Kubokunu qazanaraq klubun tarixində əlamətdar və simvolik bir səhifə yazıb.

-----------
19:30

Rusiyalı mütəxəssis Vasili Berezutski "Sabah"dan ayrıla bilər.

"FutbolPress"in əldə etdiyi məlumata görə, o, ailəvi səbəblərə görə Bakıdan ayrılmağı düşünür. Berezutskinin ailəsi Rusiyaya qayıtmaq niyyətindədir. Mütəxəssis hələ tam qərarını verməyib.

"Sabah" Premyer Liqada mövsümü 4-cü sırada bitirib. "Bayquşlar" Azərbaycan Kubokunun qalibi olub və Avropa Liqasına vəsiqə qazanıb.