Naqif Həmzəyev Gəncənin Gülüstan qəsəbəsinin sakinləri ilə görüşüb (FOTO/VİDEO)

Tarix: 25 Yanvar 2020 15:26

Bakı. Trend:

Parlament seçkilərinin təbliğat-təşviqat kampaniyası çərçivəsində 38 saylı Nizami ikinci (Gəncə) seçki dairəsi üzrə Yeni Azərbaycan Partiyasının deputatlığa namizədi Naqif Həmzəyev Gəncənin Gülüstan qəsəbəsinin sakinləri ilə görüşüb.

Trend-in məlumatına görə, böyük ruh yüksəkliyi ilə keçən görüşlərdə Naqif Həmzəyev seçicilərə Prezident İlham Əliyevin məqsədyönlü siyasətindən, eləcə də, ölkədə gedən kadr, iqtisadi-siyasi islahatlardan danışıb. V çağırış Azərbaycan Respublikasının Milli Məclisinin deputatı kimi fəaliyyət göstərdiyi müddət ərzində öhdəsinə düşən vəzifəni ləyaqətlə yerinə yetirdiyini qeyd edən Naqif Həmzəyev yenidən ona etimad göstərilərsə daha böyük qüvvə ilə çalışacağını, seçicilərinin etimadını şərəflə doğruldacağını bildirib.

Naqif Həmzəyev seçiciləri maraqlandıran sualları cavablandırıb, onları narahat edən problemlə bağlı aidiyyatı qrumlar qarşısında məsələ qaldıracağını bildirib.

Trend-in ən mühüm və maraqlı xəbərlərini "Telegram"da izləyin