Aktual mövzular: Dollar alış-satışı, Neftin qiyməti, COP29, Hava proqnozu

“Apple” 20 milyondan çox tibbi maska və qoruyucu ekran istehsal edib

Tarix: 9 Aprel 2020 08:56

ABŞ-ın "Apple" şirkəti koronavirusun yayılması ilə mübarizə aparmaq məqsədilə 20 milyondan çox tibbi maska və qoruyucu ekran hazırlayıb. Bu barədə şirkətin baş direktoru Tim Kuk məlumat verib.

Sonxeber.net ictnews.az-a istinadən bildirir ki, "tədarük edə biləcəyimiz tibbi maskaların sayı 20 milyonu ötüb. Bu, həqiqətən qlobal bir təşəbbüsdür və biz, bu tibbi maskaların ona ən çox ehtiyacı olan şəxslərə verilməsi üçün icra hakimiyyəti ilə sıx işləməyə davam edəcəyik" - Tim Kuk "Twitter" bloqunda yazıb.

"Apple"ın direktoru qeyd edib ki, şirkət bu həftədən başlayaraq həftəlik 1 milyon tibbi maska və qoruyucu ekran tədarükünü planlaşdırır. Artıq ABŞ ərazisində bu proses həyata keçirilir və şirkət yaxın vaxtlarda ölkə hüdudlarından kənara da tədarük etməyi planlaşdırır.

Whatsapp ilə göndər