Daha 154 ictimai iaşə və ərzaq satışı müəssisəsində reyd keçirib (FOTO)

Tarix: 5 Iyul 2020 15:24

Bakı. Trend:

Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədi ilə Azərbaycan Respublikasının Qida Təhlükəsizliyi Agentliyi (AQTA) tərəfindən ictimai iaşə və qida məhsullarının ticarəti ilə məşğul olan sahibkarlıq subyektlərində reydlər davam etdirilir.

Agentlikdən Trend-ə daxil olan məlumata görə, AQTA əməkdaşları tərəfindən 04 iyul 2020-ci il tarixində Bakıda, eləcə də regionlarda fəaliyyət göstərən 44 ictimai iaşə obyekti, 110 ərzaq satışı mağazası olmaqla ümumilikdə 154 müəssisədə reyd keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.

Reyd keçirilən obyektlərdən 69-da Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Sözügedən müəssisələr arasında daha çox uyğunsuzluqlar aşkar edilən ictimai iaşə və ərzaq mağazaları aşağıdakılardır.

Bakı şəhəri üzrə:

“Viola”, “111”, “24 saat”, “Market 2”, “Min Bərəkət”, “Kənan”, “Bərəkət”, “Zahidoğlu”, “24 saat” marketlər, Əliyev Əfrail Rəfael oğluna, Rəsulova Elnarə Kamil qızına, Rəsulov İlkin Nadir oğluna, Rəsulova Nərgiz Elxan qızına, Hüseynova Günay Valeh oğluna, Əliyev Əliabbas Seyfulla oğluna, Aslanov İntiqam Allahverdi oğluna, İsmayılova Kəmalə Kamil qızına məxsus ərzaq mağazaları

Digər rayon və şəhərlər üzrə:

Quba rayonunda Ağarəhimli Anar Akif oğluna, Yəhyayeva Zərifə Mkayıl qızına, Hacıyev Emil Eldar oğluna, Məlikov Elmar Baba oğluna, Ələkbərov İsmayıl Rafiq oğluna məxsus kafelər, İsgəndərov Cabir Musa oğluna və Aslanov Qurban Şirin oğluna məxsus ərzaq mağazaları

İsmayıllı rayonunda “Bizim market”, “Qala”, “Bizim market 2”, “Bol”, “Şirvan”, “Karvan” ərzaq mağazaları, Bağıyev Mahir Xanlar oğluna məxsus yeməkxana

Kürdəmir rayonunda “Bığ” restoranı və “Mübariz” yeməkxanası

Şamaxı rayonunda “Aqşin” kafe, “Qoşqar” və “ Səid” ərzaq mağazaları

Ağsu rayonunda “3 oğlan”, “Fədək”, “Yeni məkan” kafeləri, Məmmədov Faiq Əşrəf oğluna, Həsənov Teymur Fəzail oğluna, Məcidov Rafiq Ağasəlim oğluna məxsus kafelər (6 kafenin də fəaliyyətləri məhdudlaşdırılmışdır), “Oba” market

Salyan rayonunda Əliyev Yasin Vahid oğluna məxsus market

Şirvan şəhərində Əsədov İltifat Əbilhəsənoğlu oğluna və Şirəliyev Ramil Gülasim oğluna məxsus ərzaq mağazaları

Ağdam rayonunda Əliyev Əliş Alış oğluna, Bayramov Orxan Məhəmməd oğluna, Sadıqov Yaqub İldırım oğluna və İbrahimov Şəmsəddin Abdulla oğluna məxsus kafelər, Mustafayev Şakir Famil oğluna, Mehralıyev Zakir Qaraş oğluna və İsayev Bayram Gülşad oğluna məxsus ərzaq mağazaları

Bərdə rayonunda “Akvarium” dönərxana, Sadıqov İlqar İbrahim oğluna, Həsənov Adil İsmayıl oğluna və Cabbarov Naib Şahin oğluna məxsus ərzaq mağazaları

Lənkəran şəhərində Vahabov Səlim Fazil oğluna məxsus “Şürük” və İsmayılov Samir Niftulla oğluna məxsus “Eti” ərzaq mağazaları

Goranboy rayonunda Tanrıverdiyeva Gültən Elxan qızına məxsus “Gül” market

Gəncə şəhərində Qəhrəmanova Kəmalə Siyavuş qızına, Qasımov Tərlan Mustafa oğluna, Səməndərov Süleyman Şahin oğluna, Balayeva Aynurə Rəhim qızına məxsus ərzaq mağazaları

Ağstafa rayonunda Novruzov Niyazi Fərhad oğluna məxsus kafe, “Samovar”, “Nəsiboğlu” və “Dostluq” kafeləri və ərzaq məhsullarının satışı bazarı

Qeyd edək ki, AQTA Bakıda, eləcə də regionlarda fəaliyyət göstərən ictimai iaşə obyektləri və ərzaq mağazalarında yoxlama-nəzarət tədbirlərini bundan sonra da davam etdirəcək və Nazirlər Kabinetinin qərarı ilə təsdiq edilmiş metodiki göstərişlərə əməl etməyən sahibkarlıq subyektləri barədə ən sərt tədbirlər görüləcəkdir.