Aktual mövzular: Dollar alış-satışı, Neftin qiyməti, COP29, Hava proqnozu

Balığın bitki əvəzedicisi hazırlandı

Tarix: 25 Avqust 2020 22:30

Dünyanın ən böyük qida istehsalçılarından biri olan "Nestle" şirkəti, veqetariyan qidalanmaya üstünlük verən balıq həvəskarları üçün bitki əsaslı ton balığının əvəzedicisini hazırlayıb. Veqan məhsulu "Garden Gourme" brendi altında satılacaq və Senseşinal Vuna adlanır.

Sonxeber.net deyerler.org-a istinadən bildirir ki, Vedomosti qəzeti bildirir ki, balıq əvəzedicisinin satışı İsveçrədə avqustun sonlarında başlayacaq. Veqan məhsulu su, noxud zülalı, buğda qluteni, kolza yağı, duz və təbii dadlandırıcılardan hazırlanır. Balıq əvəzedicisi şüşə qablarda satılacaq. Məhlul çörək üzərində yaxılaraq, salatlara əlavə edilməsində istifadə edilə bilər. Vuna, "Nestle" məhsul xəttindəki ilk bitki əsaslı balıq əvəzedicisidir. Şirkət çeşidində artıq ət kotletləri, qiymə ət və toyuq bişməsi əvəzediciləri satılır. Qlobal miqyasda, balıq məhsullarına alternativ məhsullar hələ də ət əvəzedicilərindən aşağı səviyyədədir. Təhlilçilərin fikrincə, 2024-cü ilə qədər dünya bazarında süni ətin həcmi 22,7 milyard dollar təşkil edəcək və məhsullara ən çox tələbat (80 faizədək) Asiyada olacaq.

Whatsapp ilə göndər