Aktual mövzular: Dollar alış-satışı, Neftin qiyməti, COP29, Hava proqnozu

İran prezidentliyinə azərbaycanlı namizəd - ''azəri dili yoxdur'' - VİDEO

Tarix: 9 Iyun 2021 20:08

İranda prezident seçkiləri ilə bağlı təşviqat kampaniyası davam edir.

Dövlət televiziyasında keçirilən debatda İran məhkəmə sisteminin başçısı, prezidentliyə namizəd İbrahim Rəisi ilə milliyyətcə türk namizəd Möhsün Mehrəlizadə arasında yenidən fikir ayrılığı yaranıb.

Sonxeber.net xəbər verir ki, İbrahim Rəisinin "azəri dillilər" deməsi Möhsün Mehrəlizadə tərəfindən etirazla qarşılanıb.

"Burada azəri dilli olmayıb, ümumiyyətlə azəri dili yoxdur. Diqqənizə çatdırım ki, sizin dediyiniz azərilər türklərdilər. Şərqi, Qərbi Azərbaycan, Ərdəbil, Zəngan, Həmədan, Xorasan, İsfahan, Şiraz və hətta Xuzistan əyalətində və başqa bölgələrdə yaşayan türkdillilər. Cənab Rəisidən bu məsələdə diqqətli olmasını istəyirəm"-deyə, türk namizəd Mehrəlizadə bildirib.

Qeyd edək ki, bundan öncəki debatda Möhsün Mehrəlizadə və başqa türk namizəd, İranın Mərkəzi Bankının keçmiş başçısı Əbdülnasir Hemməti də Azərbaycan dilində danışıb, dahi şairimiz Məhəmmədhüseyn Şəhriyardan şeir oxuyub.

Whatsapp ilə göndər