Aktual mövzular: Dollar alış-satışı, Neftin qiyməti, COP29, Hava proqnozu

NASA 2024-cü ildə Aya enişi qeyri-mümkün hesab edir

Tarix: 12 Avqust 2021 22:52

NASA-nın baş müfəttişliyinin ofisindən verilən məlumata görə, 2024-cü ildə amerikalıların Aya enməsi kosmik kostyumların olmaması səbəbindən mümkün deyil. NASA-nın hazırkı cədvəlinə uyğun olaraq, kosmik kostyumlar 2024-cü ilin noyabrına qədər hazır olmalıdır, lakin agentlik hazırda bu hədəfə çatmaqda böyük maneələrlə üzləşir.

Hesabatda deyilir: "Cədvələ əsasən planlaşdırılan proses, yoxlamaya görə, təxminən 20 ay gecikə bilər və skafandrların sınaqdan keçirilməsi ən azı 2025-ci ilin aprelinə qədər uçuşa hazır olmayacaq". Daha əvvəl ABŞ-ın 2024-cü ildə Aya insan uçuşları bərpa etmək niyyətində olduğu bildirilmişdi.

Aya uçuşla bağlı yeni missiyaya Artemis adı verilib. NASA-nın cədvəlinə görə, Artemis proqramı çərçivəsində ilk pilotsuz uçuş 2021-ci ildə həyata keçirilməlidir. Artemis-2-nin ekipajla ikinci uçuşu və ya missiyası 2023-cü ildə həyata keçiriləcək. 2024-cü ilə planlaşdırılan Artemis-3 gedişində bir insanın Aya qayıdışı baş verməlidir

Whatsapp ilə göndər