Aktual mövzular: Dollar alış-satışı, Neftin qiyməti, COP29, Hava proqnozu

Nənə hərəkətdə olan təyyarədə düymələri səhv salıb qapını açdı - FOTO

Tarix: 3 May 2023 20:38

Rusiyada bu gün Çita-Moskva reysi yaşlı qadının rahatlanmaq istəməsinə görə təxirə düşüb. Qəribə hadisə 3046 nömrəli bort hərəkətə təzə başlayanda - uçuş-enmə zolağından çıxmamış baş verib.

"Nənə təsadüfən qəza çıxış qapısını açdı. Hamını düşürdülər, texniki işçiləri gözləyirik", - deyə hadisə şahidi bildirib.

Sonxeber.net oxu.az-a istinadən xəbər verir ki, yaşlı qadının sözlərinə görə, o, uçuşdan əvvəl yerini rahatlamaq - oturacağın kürək hissəsini arxaya yönəltmək istəyib, bu zaman kreslonun qolu əvəzinə qapının qəza rıçaqını dartıb.

Sərnişinlər üçün növbəti reys axşama təyin olunub.