Aktual mövzular: Dollar alış-satışı, Neftin qiyməti, COP29, Hava proqnozu

Britaniya “Vaqner”i terror təşkilatı kimi tanımağa hazırlaşır

Tarix: 10 May 2023 11:34

Britaniya hökuməti yaxın həftələrdə "Vaqner" özəl hərbi şirkətini terror təşkilatı kimi tanımağa hazırlaşır.

Sonxeber.net Report-a istinadən xəbər verir ki, bu barədə "The Times" qəzeti məlumat yayıb.

Bildirilib ki, Böyük Britaniya hakimiyyəti iki aydır Rusiyaya təzyiq göstərmək məqsədilə "Vaqner"i terror təşkilatları siyahısına salmaq üçün hüquqi əsaslar hazırlayır. "Vaqner"ə müvafiq statusun verilməsi Böyük Britaniyada təşkilata mənsub olmağı, onun təşkil etdiyi tədbirlərdə iştirakı, ona dəstəyi ifadə etməyi və ya onun simvollarını taxmağı cinayət sayır.

Bundan əlavə, silahlı qrupa qarşı maliyyə sanksiyaları tətbiq oluna bilər. Təşkilat üzvlərinə Britaniya məhkəmələrində jurnalistlərə və hüquq müdafiəçilərinə qarşı iddialar irəli sürmək qadağan edilə bilər.

Whatsapp ilə göndər