Aktual mövzular: Dollar alış-satışı, Məzənnə, Neftin qiyməti

Yarımzirzəmidə yaşayan Rəhman Rəhmanovun evi - VİDEO

Yarımzirzəmidə yaşayan Rəhman Rəhmanovun evi - VİDEO

Tarix: 27 Noyabr 2023 23:18

Əməkdar artist Rəhman Rəhmanov bir otaqlı evini nümayiş etdirib. 

Milli.Az axşam.az-a istinadən bildirir ki, sənətçinin evində "Çıxış yolu" proqramı çəkiliş edib. Aktyor 30 ildir bu evdə yaşadığını bildirib:

"Döşəməsi yoxdur, bünövrəsiz tikilidir, yarımzirzəmi sayılır. Burada yeyib, burada da yatırıq. Qonaq da qəbul edirik. Bir otaqdır, yataq tərəfi pərdə ilə ayırmışıq. Həyat yoldaşımındır, şəxsi evim yoxdur. Neçə dəfə müraciət etmişəm, amma imtina gəldi. Mənə indi ev lazım deyil, yaşlanmışam. Bir ayağım burada, digər ayağım orada".

Sənətçi 6 sot torpaq aldığını, lakin imkansızlıqdan böyük hissəsini satdığını deyib:

"25 il əvvəl dövlətdən 6 sot torpaq almışdım. İmkanım olmadı, bir hissəsin satdım. Yarı hissəsi buradır. Qalan hissəni də iki nəfərə satdım. Lakin onlara ev tikməyə icazə vermədilər. İcra Hakimiyyətindən məcbur icazə aldım ki, öz adıma ev tikim. Mən qaldım bir otaqda, onlar isə sağlıqlarına qismət, böyük villa tikdilər. Adı mənim, dadı isə onların oldu. İndi də deyirəm ki, mənim heç bir mal-mülküm yoxdur, amma inanan yoxdur".

Milli.Az


Etiketlər:  Yarımzirzəmidə yaşayan Rəhman Rəhmanovun evi VİDEO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ