Aktual mövzular: Dollar alış-satışı, Neftin qiyməti, COP29, Hava proqnozu

İnsan alverinə görə həbs edilən Təranə Səmədova azadlığa buraxıldı

Tarix: 6 May 2019 18:12

Bakı. Samir Əli - Trend:

Ali Məhkəmədə hakim Fərhad Kərimovun sədrliyi ilə insan alverində təqsirləndirilərək həbs edilən prodüser Təranə Səmədova barəsində çıxarılan qərardan verilən kassasiya şikayətinə baxılıb.

T.Səmədovanın vəkili Janna Bağırova Trend-ə bildirib ki, prosesdə şikayət araşdırılaraq qərar elan edilib.

Məhkəmənin qərarı ilə T.Səmədovanın cəzası azaldılıb və azadlığa buraxılıb.

İttihama görə, Təranə Səmədovanın barəsində Daxili İşlər Nazirliyinin İnsan Alveri üzrə Mübarizə İdarəsində cinayət işi başlanıb. O, iki qadını fahişəliyə cəlb etməkdə ittiham olunub. Cinayət işi üzrə iki qadın zərərçəkmiş şəxs qismində tanınıb. İstintaq orqanı tərəfindən Təranə Səmədovanın barəsində Cinayət Məcəlləsinin 243.1-ci (gəlir və ya digər fayda əldə etmək məqsədilə fahişəliyə cəlb etmə) maddəsi ilə ittiham elan edilib.

Trend-in ən mühüm və maraqlı xəbərlərini "Telegram"da izləyin

Whatsapp ilə göndər