Aktual mövzular: Dollar alış-satışı, Neftin qiyməti, COP29, Hava proqnozu

Ötən gün körpüdən aşan TIR-da ölənlər Masallı sakinləri olub (FOTO)

Tarix: 23 Noyabr 2019 09:39

Bakı. Ceyhun Ələkbərov - Trend:

Ötən gün Bakıda ağır qəzaya uğrayan yük maşını və onun içində olan şəxslərin fotoları yayılıb.

Trend-in məlumatına görə, Xocahəsən qəsəbəsi "Meyvəli bazar"ın yaxınlığında körpüdən düşərək qəzaya uğrayan yük maşınının içində sürücü və bir sərnişin olub.

Onlar Masallı rayon sakinləri Yusifli Xəzər İnqlab oğlu və Əzim Məmmədovdur. Hər iki şəxs aldığı xəsarətlərdən hadisə yerində dünyasını dəyişib.

Xatırladaq ki, yük avtomobili körpünün üzərindən aşaraq dəmir yolu xəttinin üstünə düşüb. Qəza nəticəsində dəmir yolunun hər iki istiqamətində kontakt şəbəkəsi və yan xətlər tam sıradan çıxıb və qatarların hərəkəti üçün bağlanıb.

Trend-in ən mühüm və maraqlı xəbərlərini "Telegram"da izləyin